Денес не му рековме – Фала!
По волја Негова се разбудивме
и чаша вода испивме,
блиски си прегрнавме, некого утешивме
сиромав нахранивме или болен посетивме,
било што создадовме, Љубовта ја споделивме.
И денес не Му рековме – Фала!
Што право стоиме,
очи во виделина
умот го отвориле …
На ден Недела,
`Дома` да поитаме,
на ден Воскресен,
Него да Го примиме.
Лекот да го вкусиме.
Дарителот на се`, пак да Го прославиме !
Мина Даниловска
