Ве молам за објаснување: Што означува зборот ПЕТОЛЕБИЕ, каква му е намената и симболиката? Зошто ПЕТ и зошто на Акатист на Пресвета Богородица?
Благодарам!
Одговор од отец Горан:
Петтолебие е чин на благословување на лебот, пченицата, виното и маслото, во спомен на чудото кога Господ Исус Христос со пет леба нахранил пет илјади луѓе.
Овој чин е дел од Вечерната богослужба.
Во Скопје во великопосниот период Петтолебието се извршува и по Акатстот на Пресвета Богородица, иако Акатистот е дел од Повечерието.
Сите спомени во Црквата, како и ова Христово со петте леба се целосни и имаат смисла само ако нѐ насочуваат кон Литургијата кога ќе се причестиме со Самите Тело и Крв Христови, низ постојана подготовка според нашите сили со исповед, пост и молитва.
Без причест никогаш нема да бидеме верни, туку само суеверни.
