Кондак 1
Победоносителу и Господи на сите војски небесни, радост и веселба за сите слуги Твои, таму каде што Си тагата исчезнува, a каде што Те нема, радоста е празна!
Погледни кон мене, кој co животни промашувања полн сум и од нив во страшна несреќа загинувам и затоа Те молам, избавување испрати ми и слушни ме кога кон Тебе повикувам:
Господи мој, Господи, радост моја, дарувај ми да се радувам на Твојата милост!
Икос 1
Создателу на ангелите и Господи на силите,
Ти преку девствената утроба на Пречистата Марија, заради спасението на од Тебе отпаднатото човештво кај нас дојде и од нас грешните плукање, хулење и страшна смрт претрпе, и се’ затоа, зашто си Добар и Човекољубец.
Осознавајќи го сето тоа, кон Тебе пристапувам и co солзи Те молам:
Господи мој, Господи, милосрден мој Спасителу, помогни ми мене што загинувам!
Господи мој, Господи, Кој дојде да ги спасиш неправедните, a грешните, избави ме од искушенијата во кои сум заплеткан!
Господи мој, Господи, Кој ги прими на Себе слабостите наши и ја зема нашата немоќ, исцели ја маката на моето срце!
Господи мој, Господи, Кој преку својата жртва на крстот мир му даруваш на светот, тој мир дарувај и’ го и на мојата душа од зло потемнета и од грев вознемирена!
Господи мој, Господи, Кој co Својата искупителна за нас смрт силата на смртта си ја разрушил, разруши ги и нападите на злиот кон мене насочени!
Господи мој, Господи, радост моја, дарувај ми да се радувам на Твојата милост!
