Ако навистина кажувате вистина, синови човечки во правда и вистина нарекувајте Ја Блажена Небесната Царица.
Ако нешто е за слава и пофалба на Спасителот Христос ако Му е угоден некој наш принос, тогаш тоа ќе бидат химните и духовните пеења, кои и ги упатуваме на Неговата возљубена Мајка.
Со Неа пророците се усладија,
со неа апостолите се пофалија,
со Неа светителите се украсија,
со Неа мачениците се укрепија,
со Неа монасите беа поучени и упатени,
со Неа испосниците ангелоподобно живееја,
со Неа девствениците со венци на чистотата се украсија.
Чудесен е Бог во сите светии, но, пречудесен е во најсветата Царица над цариците во Пречистата Невеста, Преблагословената Приснодева Марија.
(Од Богородичниот ПСАЛТИР)
