Припев: Исусе Преслатки, спаси ме!
Христе Исусе, никој не згреши на земјава од памтивек како што згрешив јас бедниот и блуден. Затоа, Исусе мој, Ти повикувам:
Смилувај се на мене, кој Ти пеам: Благословен Си, Боже на отците наши!
Христе Исусе, во стравот Твој прикови ме, о Исусе мој, и води ме сега кон пристаниште мирно, Исусе мој штедар, за јас така спасениот да Ти воспевам:
Благословен Си, Боже на отците наши!
Слава на Отецот и Синот и Светиот Дух. Христе Исусе, јас страстниот безброј пати Ти ветив покајание, о Исусе мој, но излажав јас бедниот.
Затоа, Исусе мој, Ти повикувам: Просвети ја душата моја во бесчувство што пребива, Христе на отците наши, Боже, Благословен Си!
И сега и секогаш и во вечни векови. Амин.
Ти, Која Христа Исуса чудно и натприродно Го роди, Сенепорочна, моли го Hero сите npeгрешениja мои направени преку природата да ми ги прости, Отроковице, за да повикам така спасен: Благословена си, Ти, Која Бога во тело Го роди!
Песна 8-ма
ирмос: На Бога, Кој во печка огнена при отроците еврејски слезе и пламенот во роса го претвори, опевајте ги делата како Господови, и превознесете Го во вечни векови.
припев: Исусе Преслатки, спаси ме!
Тебе, Исусе мој, Те молам: Како што си ја избавил блудницата, Исусе мој, од многуте согрешенија, така и мене, избави ме Исусе Христе мој, и очисти ja осквернетата душа моја, Исусе мој.
Приклонувајќи им се на бессловесните страсти бессловесен постанав и на скот потполно, о Исусе мој, јас бедниот и острастениот се уподобив, Спасе;
затоа Исусе, од бессловесноста избави ме!
Слава на Отецот и Синот и Светиот Дух. Поразен, о Исусе, од душетлените разбојници, без риза боготкаена останав сега, Исусе мој и лежам во рани раносан.
Елеј Христе мој излеј на мене, и вино!
