МАЛА МОЛИТВА КОН ПРЕСВЕТА БОГОРОДИЦА
Помилуј ме, христијанско благоухание, благодатна, сенепорочна, и помогни ми co големата Твоја милост, прославена, пресветла, надеж на сите што се каат.
МОЛИТВА НА БОЛЕН ПРЕД БОЖЕСТВЕНАТА ПРИЧЕСТ
Господи Боже мој Кој правиш чудеса, Ти единствениот Боже, подигни ме од оваа болест, за да се удостојам и јас да станам причесник на Светите Твои Тајни. Бидејќи многу засака душата моја да се насити co непорочното тело Твое и да се напие co чесната Крв Твоја.
МОЛИТВА НА ИСЦЕЛЕНИОТ ПРЕД БОЖЕСТВЕНАТА ПРИЧЕСТ
Слава Ти, Свет, Трисвет, наднебесен Боже Седржителу, бидејќи ме слушна мене грешниот и ми дарува закрепнување на душата и телото. И сега, Господи мој Исусе Христе, удостој ме да се причестам co страшните, бесмртни и животворни Твои Тајни, за опростување на гревовите и за препород на внатрешниот човек мој.
МОЛИТВА ПО РУЧЕК
Слава Ти, Христе Боже, бидејќи се наситив co Твоите добра. He лишувај ме ни од небесните Твои блага, заради големата Твоја милост.
МОЛИТВА ЗА ПРОСТУВАЊЕ
Помилуј ме, Господи, согрешив. Прости му на блудниот и осквернетиот. Поведи ме по патот на Твоите заповеди, бидејќи ги засакав.
МОЛИТВА ЗА ПОМОШ ПРОТИВ ИСКУШЕНИЈАТА
Господи Боже мој, Кој се’ разумно си устроил, Кој си го распнал небото и земјата си ја возвеличил co крепката Твоја сила, Ти Кој во дланката ја држиш целата твар, дај ми сила против духовите на злобата за да ги сотрам, закрепнат co Твојот Свет Дух.
МОЛИТВА ЗА ИЗБАВУВАЊЕ ОД СУЕТАТА
Боже, Боже мој, не допуштај да ми се прослави името меѓу луѓето, не дозволувај да ме почитуваат или почести да ми принесуваат, туку подобро дарувај ми ја Твојата слава која трае во вековите на вековите. Бидејќи така ќе си почине мојот дух пред Твоето лице, радувајќи се на Тебе. Ти знаеш, Господи, дека пријателството кон светот е непријателство кон Тебе, мојот Бог.
МОЛИТВА ПРИ ПОМИСЛИ НА НЕВЕРИЕ
Верувам во Единиот Бог, Отец, Седржител, Творец на небото и на земјата, на се’ видливо и невидливо. И во едниот Господ Исус Христос, Синот Божји Единороден, Творец и мој Владика. И во Светиот Дух, славениот и просветлениот, Кој зборувал преку пророците.
Господи мој Исусе Христе, не се разгневувај на мене, заради Твојата голема милост, не оттурнувај ме мене осквернетиот што го посрамив Твоето Свето име.
Ти знаеш, Господи, како ме нападна непријателот, потопувајќи ме и сега во зло неверие. Затоа прости ми мене кој го искушав трпеливото Твое човекољубие, преблаг и долготрпелив, Кој се каеш за човечките зла.
МОЛИТВА ЗС ПОКАЈАНИЕ И ПРЕОБРАТУВАЊЕ
Прими го Оче мртвиот и погинатиот co душата.
Прими го буништето co гревови. Прими го хулникот, лукавиот, бесрамниот, осквернетиот и co душата и co телото. Прими го оној кој ги совладал сите демонски зла.
Смилувај се на блудниот, прељубникот, расипувачот на децата, крадецот, престапникот. Смилувај се на мене, Ти Кој секогаш точиш богата милост, не го одвраќај Твоето благо лице од мене. He вели, Владико:
„He знам, не те познавам.” He вели: „Каде беше досега?” – не гнаси се од чадот, калта, гнилежот, грдотијата, срамот, гнасотијата, соблазните човечки. He ce одвраќај од мене, Владико, туку чуј ме и спаси ме.
Бидејќи знам, Човекољупче, дека не ја сакаш смртта на грешникот, туку сакаш да се врати и жив да биде. Нема да Те пуштам, ако не се смилуваш на мене, ако не ме примиш.
Пренесено од книгата “Свети Нифонт, подвижник меѓу епископите”
