БЛАГОДAРСТВЕНИ М0ЛИТВИ ПО ПРИЧЕСТ
Кora ќе вкусиш од скапоцената Причест, од животворните и таинствени Дарови, co благодарност и од душа, пред Бога кажи го ова:
Слава Тебе, Боже! Слава Тебе, Боже!
Слава Тебе, Боже!
МОЛИТВА 1-ва
Ти благодарам, Господи, Боже мој, што не ме отфрли мене грешниот, туку ме удостои да бидам причастник на Твоите Светињи.
Ти благодарам, што мене недостојниот ме почести да се причестам co пречистите и небесни Твои Дарови.
Но, човекољубив Владико, Ти, Кој заради нас умре и воскресна, и овие страшни и животворни Тајни ни ги даде, за добро и за осветување на нашите души и тела, нека ми бидат и мене за исцеление на душата и телото;
за одбивање на секој противник,
за просветување на очите и срцето мое,
за мир на душевните сили мои, за вера што не посрамува,
за нелицемерна љубов,
за исполнување co премудрост,
за запазување на заповедите Твои, за умножување на божествената благодат Твоја и за добивање на царството Твое;
та co нив сочуван во светоста Твоја, секогаш да си спомнувам за благодатта Твоја и да не живеам веќе за себе, туку за Тебе, Владико и Добротвору наш.
И, напуштајќи го овој живот, co надеж на живот вечен, да стигнам во севечниот покој, таму каде што е непрестан гласот на оние што празнуваат, и бескрајна е сладоста на оние што ja гледаат неискажливата убавина на Твоето Лице.
Зашто Ти си вистинска желба и неискажана радост на оние, што Те љубат, Христе Боже наш, и Тебе вечно Ти воспева сета твар.
Амин.
МОЛИТВА 2-ра на свети Василиј Велики
Владико, Христе Боже, Цару на вековите и Создателу на сета твар, Ти благодарам за сите добра што си ми ги дал и за причестувањето co Твоите пречисти и животворни тајни.
Те молам Тебе, Добар и Човекољубив, запази ме под покровот Твој, и во сенката на твоите крилја.
И дај ми co чиста совест, до последното мое издивнување, достојно да се причестувам co Твоите светињи, за прошка на гревовите и за живот вечен.
Зашто, Ти си Лебот на животот, Изворот на осветувањето, Дарителот на добра и Тебе слава Ти вознесуваме, co Отецот и Светиот Дух, и сега и секогаш и во вечни векови.
Амин.
