Почитуван, имам едно прашање што ме мачи веќе дваесет години и никако да најдам одговор.
Имено пред дваесет години стапив во брак и нашите родители свадбата ја закажаа во недела на големиот празник Велигден.
Дали е грев што правевме свадба на ден Велигден?
Многу ме плаши тоа и цело време мислам какви последици ке сносиме ние или недај боже нашите деца.
Молам да ми се одговори на прашањето, од причина што во тоа време и немаше многу слободен контакт меѓу верниците и свештените лица.
Поздрав.
Одговор на отец Горан Стојчевски
Воскресение Христово, Велигден, најубавиот ден што Господ ни го дал да се радуваме и да се веселиме, меѓудругото и на свадба.
Нека ви честито, Господ да ве благослови и да се радувате на синови и ќерки.
Ете, нема тука грев само благослов.