Почитувани, дали ќе сакате да ми одговорите на следново прашање.
Пред шест месеци мајка ми почина од рак на белите дробови, десет дена подоцна од жал за мојата сакана мајка и татко ми почина, односно сам си пресуди.
Прашањето ми е, дали може и на мојот сакан татко да му направиме помен?
Инаку, татко ми беше крстен, и беше многу добар човек, и токму поради тоа заслужува на неговиот гроб да дојде православен свештеник односно да има помен?
Поздрав и секое добро!
Одговара отец Горан:
Самоубиството е голем грев т.е. спротиставување на Божјиот домострој, немање вера, надеж во Бога, и поради таа причина не се извршува опело над христијанин кој направил самоубиство.
Заради снисходење на Црквата кон секоја човечка душа, може да се направи 40 дневен помен, и другите помени, и секако трисагии на задушниците и споменување на литургиите.
