ПОТРЕБНО Е:
4 бабури,
1 конзерва туна,
2 зрели домати (може и пире од домати),
1 помал компир,
Средето на едно парче леб,
1 поголема главица кромид,
2-3 чесниња лук,
1/2 корен од целер,
1/2 филџан масло,
Оригано,
Црн пипер,
Сол.
ПОДГОТОВКА:
Од пиперките отсечете ги капачињата, исчистете ги од семето и жиличките.
Помешајте ги лебот, ситно исечканите кромид и лук, излупените домати исечкани на коцки, изренданиот целер, туната и зачините.
Мешајте за да добиете компактна маса и со неа наполнете ги пиперките.
Наполнетите пиперки затворете ги со тркалца од компир и наредете ги во огноотпорен сад, испрскајте ги со мешавина на масло и вода и запечете ги во рерна.
Ова предјадење може да се служи и како топло и како ладно предјадење.