МОЛИТВА ЗА ДОБЛЕСТИ
Боже, Боже мој, Кој го простре небото како шатор и го украси co ѕвезди, сонце, месечина и облаци. Украси ме и мене наместо co ѕвезди co сите доблести.
Наместо сонцето, Светиот Твој Дух нека засветли во мојот разум. Наместо месечината, Твојата премудрост да царува во мене.
Наместо во облак, облечи ме во светлина, кроткост, праведност, опаши ги моите бедра co вистина и обуј ги стапалата мои за да се подготват да го благовестат мирот Твој.
Боже, Боже мој, Кој го излеа штедро воздухот да се раствора и луѓето да го дишат, излеј ги штедро благо датта и животворниот дар и Твојот Свет Дух на мене, па боговиден, светол и чист, чесен и сладок правејќи ме од rope до долу, полн co благодат и вистина, мудрост и духовно знаење.
МОЛИТВА ЗА ИЗБАВУВАЊЕ ОД СТРАСТИТЕ
Господи, Боже мој, Кој Твојата Пресвета Мајка ја покажа почесна од небесните Сили, по молитвите на многусаканата Дева, прости ми ги моите гревови и истерај го од мене секој блуд, озборување, омраза, завист, гнев, огорченост, немарност, суета, гордост, среброљубие, немилосрдност, кавга, спорење, непријателство, распалување на плотта, скаменетост на душата, стомакоугодништво, пијанство, похот, кривоклетство и беславна и прегорка човечка слава.
Да, Боже мој, сето тоа истерај го од мене и направи луѓето да ме сметаат за ништожен и подобен на гнасотиите.
Нека не се најде никој, Човекољупче, да ме фали на земјата, ниту да ме велича.
И никој да не каже дека сум свет и дека, Господи мој, ќе се оправдам.
Избави ме од човечката слава, Човекољупче, ослободи ме од човекоугодништвото, Милостив.
Пренесено од книгата “Свети Нифонт, подвижник меѓу епископите”
