Свесност (14.03.2020 18:03)

Деца, да не се лажеме, ние немаме соодветно покајание, или сострадална болка, а да не зборуваме за божествена љубов, при молитвата.

Но, свесноста дека немаме ништо од претходно наброените добродетели можеме да ја покажеме единствено со подвигот на постојано собирање и држење на умот во зборовите на Исусовата молитва, односно со концентрација во молитвата.

Со овој подвиг покажуваме дека сме свесни дека Господ Христос ни е сѐ – и покајание, и сострадална болка и љубов, а дека ние немаме ништо и сме ништо.

Плод на собраноста на умот во молитвата, со таа свесност, е дарот на солзите.

Што точно значи ова што ви го кажав, само молитвата може да ви покаже.

Затоа и свети Григориј Палама нѐ поттикнува во подвигот на молитвата како единствен учител на молитвата.

Колку сме никој и ништо, можеме да видиме само молитвено стоејќи пред Богочовекот Исус Христос и Неговата Мајка.

Но, исто така, и колку сме сакани…

 

(дел од беседата на Митрополитот Струмички Наум)

Претходна статија– ЗА ОСУДУВАЊЕТО КОЕ СЕ ПРАВДА КАКО РЕВНОСТ, БРАНИТЕЛ ЗА ВИСТИНАТА –
Следна статијаАскетска вера и подвиг! (четврта недела на Великиот пост)