Браќа и сестри
Од дваесет и четврти јуни – понеделник до единаесети јули започнува и трае Петровденскиот пост, посветен на Апостолите Петар и Павле.
Овој пост подразбира дека од трпезите треба да ја тргнеме масната храна: месото, млечните производи и јајцата.
Телесниот пост изгледа вака:
понеделник , среда и петок се јаде храна подготвена со вода (без зејтин),
вторник и четврток храна со зејтин,
а сабота и недела е дозволена и риба.
Тоа се однесува за постот со телото.
Постот со духот подразбира: молитва, мир, кроткост, љубов…
гладен да се нахрани
болен да се посети и утеши,
затвореник да се посети…
Да се чинат милосрдни дела на гладните, немоќните, сиромасите, болните.
Да се пости и со устата; да не се осудува, озборува, клевети, да се пости со умот и со срцето.
Да го пречекаме со радост, да го прегрнеме постот како исцелителен лек за телото и душата, во слава на Бога, за целото човештво.
Радувајте се Павле и Петре, громогласни труби на благовестието, кои темелите на стариот свет како друг Ерихон ги разрушивте!
Радувајте се, свети првоврховни апостоли Петар и Павле!
