ПОКАЕН КАНОН КОН НАШИОТ ГОСПОД ИСУС ХРИСТОС
Песна 1-ва, глас 6-ши
ирмос. Како no суво газеше Израил no дното на морето и гледајќи го фараонот гонител како се дави извикуваше: Победна песна да My пееме на Бога!
припев: Помилуј ме, Боже, помилуј ме!
Јас грешниот и преоптоварен излегувам сега пред Тебе мојот Владика и Бог. He смеам да погледнам кон небото, но само се молам и викам: Господи, дај ми ум за горко да ги оплакувам моите гревови!
припев: Помилуј ме, Боже, помилуј ме!
Од каде да започнам да ги оплакувам делата на мојот грешен живот? Како да го отпочнам, Христе, моето тажење? Ти си милосрден, дај ми прошка на моите гревови.
припев: Помилуј ме, Боже, помилуј ме!
Спасителу, ти ги исповедам своите гревови што сум ги направил и ги откривам раните на душата и телото мое, направени од грешни помисли.
Слава на Отецот и Синот и Светиот Дух.
Како Бог, прости ми ги сите гревови, волни и неволни, јавни и скриени, свесни и несвесни, очисти ме и спаси ме!
И сега и секогаш и во вечни векови. Амин.
Пречиста Мајко Божја, погледни ме мене грешниот, избави ме од стапиците на ѓаволот и упати ме на патот на покајанието, та горко да ги оплакувам моите дела.
Песна 3-та
ирмос: Нема свет како што си Ти, Господи, Боже мој, Кој им даваш победи на тво ите верни раби, Благи, и ги утврдуваш врз каменот на Твојата слава.
припев: Помилуј ме, Боже, помилуј ме!
Го гледам морето на животот разбранувано од бурите на искушенијата; доаѓам во Твоето тивко пристаниште и извикувам: Многумилостив Боже, избави ја од пропаст душата моја!
припев: Помилуј ме, Боже, помилуј ме!
Кај Тебе доаѓам, Исусе, Ти згрешив, очисти ме.
Симни го од мене тешкиот товар на гревот и, како Добросрдечен, дај ми солзи на умиление.
припев: Помилуј ме, Боже, помилуј ме!
Погледни ме со милостив поглед, Боже, Спасителу мој и прими ја мојата топла исповед!
припев: Помилуј ме, Боже, помилуј ме!
Немам солзи, ни покајание, ниту умиление. Спасителу, како Бог, Ти дарувај ми ги!
Слава на Отецот и Синот и Светиот Дух, и сега и секогаш и во вечни векови. Амин.
Ете, Богородице, Твојот Син вика и не’ поучува на добро, a jac грешниот секогаш бегам од доброто, но Ти, Милостива, помилуј ме, за да се покајам за моите лоши дела.
Песна 4-та
ирмос: Христос е моја сила, мој Бог и
Господ, Светата Црква свечено пее и ликува; co чист дух Го прославува Господа.
припев: Помилуј ме, Боже, помилуј ме!
Тешко и горко на мене грешниот! За жалење сум повеќе од сите луѓе. Во мене нема покајание; но, Ти, Господи, дај ми солзи, горко да ги оплачам моите грешни дела.
припев: Помилуј ме, Боже, помилуј ме!
Bo овој час не ја затворај твојата врата,
Господи, но отворија за мене, покајникот!
припев: Помилуј ме, Боже, помилуј ме!
Човекољубив Боже, Ти сакаш сите да се спасат. Повикај ме, и како Благ прими ме сега, кога се кајам!
Слава на Отецот и Синот и Светиот Дух.
Измачен сум! Ете, стрелите на непријателот ги ранија и душата и телото мое. Пред Тебе се струпјето и раните на моите самоволни страсти.
И сега и секогаш и во вечни векови. Амин!
Врзан сум co многу гревовни синџири и заробен од лоши страсти и несреќи. Кај Тебе доаѓам Спасение мое, и извикувам: Дево, Мајко Божја, помогни ми!
Песна 5-та
ирмос: Благи, Ти се молам, co Твојата божествена светлина озари ги душите на сите што co љубов спрема Тебе подраниле, за да Те познаат, Слово Божјо, Тебе вистинскиот Бог, Кој ги повикува од мракот на гревот.
припев: Помилуј ме, Боже, помилуј ме!
He гнаси се од мене, Спасителу, и не свртувај Го лицето од мене. Растовари го тешкиот товар на моите гревови. Ти си Добросрдечен, дај ми прошка на моите согрешенија!
припев: Помилуј ме, Боже, помилуј ме!
Се исповедам пред Тебе, Спасителу, згрешив. Ти згрешив, разреши ме и прости ми, зашто си милосрден.
припев: Помилуј ме, Боже, помилуј ме!
Јас Ти згрешив, Христе Спасителу, згрешив повеќе од сите; Те молам, немој да ме презреш.
Слава на Отецот и Синот и Светиот Дух.
Ти си мојот пресладок Исус, Ти си мојот Создател; co Тебе, Спасителу, јас ќе се оправдам.
И сега и секогаш и во вечни векови. Амин. Пресвета Богородице, помилуј ме мене грешниот. Укрепи ме во добродетелта и сочувај ме од предвремена смрт, за да не ме грабне неподготвен. Ти, Дево, воведи ме во Божјото Царство.
Песна 6-та
ирмос: Гледајќи го морето на животот, разбранувано од бурни опасности, доаѓам во Твоето тивко пристаниште и извикувам: Многумилостив Боже, избави ја од напаст душата моја!
припев: Помилуј ме, Боже, помилуј ме!
Спасителу, Ти си го примил блудниот и раскајаниот разбојник. Само јас се предадов на гревовна мрзливост и станав роб на лошите дела. Моја грешна душо, тоа ли го сакаш?
припев: Помилуј ме, Боже, помилуј ме!
Згрешив Господи, згрешив пред Тебе. Исчисти ме, зашто нема друг меѓу луѓето, кој згрешил повеќе од мене. Сите ги надминав, грешејќи.
припев: Помилуј ме, Боже, помилуј ме!
Викам кон Тебе, Господи, помилуј ме кога ќе дојдеш co Твоите ангели, на сите да им дадеш според делата.
Слава на Отецот и Синот и Светиот Дух.
Правосуден и човекољубив Боже, не ги презирај Твоите дела; не ги отфрлај Твоиге созданија. Иако згрешив повеќе од сите луѓе, Ти имаш власт да проштеваш гревови, помилуј ме!
И сега и секогаш и во вечни векови. Амин.
Прекрасна и брза Помошнице на сите луѓе, Мајко Божја, помогни ми, мене недостојниот, зашто мојата душa го бара тоа.
Песна 7-ма
ирмос. Ангелот ја ороси вжештената печка на преподобните момчиња. A мачителите ги натера да запеат: Благословен си, Боже, на нашите татковци! ирииев: Помилуј ме, Боже, помилуј ме!
Блудно го поминав животот на земјата; мојата душа ja предадов на темнината, но сега, Ти се молам, Милостив Владико, ослободи ме од ова ропство на врагот и дај ми желба да ја исполнувам волјата Твоја.
припев: Помилуј ме, Боже, помилуј ме!
Слово Божјо, Ти беше распнат за сите; го предаде Своето тело и својата крв. Телото го даде, за да ме обновиш, а крвта – за да ме приведеш, Христе, при Твојот Отец.
припев: Помилуј ме, Боже, помилуј ме!
Кратко е времето на мојот живот и исполнето co сградања и зло, но прими ме како покајник и просвета го мојот ум; ослободи ме од туѓинецот. Спасителу, биди милостив кон мене!
Слава на Отецот и Синот и Светиот Дух.
Правосуден Спасителу, помилуј ме и избави ме од огнот и стравотиите, кои праведно ќе ми бидат досудени. Преку добродетел и покајание олесни го мојот крај!
И сега и секогаш и во вечни векови. Амин.
Богородице Дево, сочувај ме од видливо и невидливо зло и прими ги, пречиста Дево, моите молитви; принеси ги на Твојот Син, за да ми дадедух,та да ја исполнувам волјата Негова.
Песна 8-ма
ирмос. Co poca си ги оросил преподобните во пламенот и жртвата на праведникот co вода си ја запалил. Христе, се правиш што сакаш; Тебе Те прославувам во сите векови!
припев: Помилуј ме, Боже, помилуј ме!
Спасителу, помилуј ме мене грешниот; издигни го мојот ум кон покајание. Прими ме покајникот. Смилувај се на мене кога Ти се молам: Ти згрешив, спаси ме. Беззаконствував, помилуј ме!
припев: Помилуј ме, Боже, помилуј ме!
Судијо мој, Ти добро ме познаваш; Ти пак ќе дојдеш co ангелите да му судиш на целиот свет. Тогаш милосно погледни ме, сожали се на мене и помилуј ме, Исусе, зашто згрешив повеќе од секој друг човек.
припев: Помилуј ме, Боже, помилуј ме!
Сожали го, Господи, твоето создание.
Згрешив, прости ми, зашто само Ти единствен по природа си чист, а никој друг не е лишен од нечистотија.
Слава на Отецот и Синот и Светиот Дух.
Владико, Владико Христе, знам дека Ти си тивко пристаниште. Побрзај да ме избавиш од бескрајните длабочини на гревот и од очајанието.
И сега и секогаш и во вечни векови. Амин.
Пречиста Богородице, прими ја мојата недостојна молитва и сочувај ме од предвремена смрт; дај ми покајание пред крајот.
Песна 9-та
ирмос. Луѓето не можат да го видат
Бога, а и чиновите ангелски не смеат да го гледаат. Преку Тебе, Пречиста, им се јави на луѓето, Словото овоплотено. Hero Го величаме, заедно co небесните војски; Тебе Те ублажуваме.
припев: Помилуј ме, Боже, помилуј ме!
Сега доаѓам кај вас, Ангели, Архангели и сите небесни Сили коишто стоите пред престолот на Бога. Молете се на Творецот да ја избави мојата душа од вечните маки.
припев: Помилуј ме, Боже, помилуј ме!
Сега пред вас плачам, свети патријарси, пророци, апостоли, светители и сите Христови избраници. Помогнете ми, на судот да се спаси мојата душа од непријателската сила.
припев: Помилуј ме, Боже, помилуј ме!
Ги кревам моите раце кон вас, свети маченици, пустиножители, девственици, праведници и сите светии; вие се молите на Господа за сиот свет; молете Го да ме помилува на смртниот час.
Слава на Отецот и Синот и Светиот Дух.
Пред Тебе ги исповедам тајните на моето срце, Судијо мој, види го моето смирение; види ја мојата тага. Погледни ме и помилуј ме, зашто си милосрден, Боже на нашите татковци.
И сега и секогаш и во вечни векови. Амин. Мајко Божја, помогни ми; силна е мојата надеж во Тебе. Помоли Го Твојот Син да ме стави од Својата десна страна кога ќе седне да им суди на живите и на мртвите. Амин.
