ПРОТИВ БОГОБОРНОТО И ЦРКВОБОРНО
Општи методи на работа:
Најчесто бајачите, (разноразни исцелители)за да покажат дека работат нешто добро, окупираат селски цркви и манастири и знаат дека на тoj начин полесно ќе привлечат жртви.
Потоа собите каде што ги вршат нивните демонски активности ги редат co многу икони и крстови, разни амајлии и заштитници од зло и секој наивен и неинформиран верник, кога ќе дојде таму и ќе види дека има икони, лесно ќе им поверува дека тие работат co Божја помош.
Но, дали присуството на икони и крстови е гаранција за нечија исправност?
He, ни најмалку.
Како што се’ во животот има своја правилна употреба и злоупотреба, така и иконите и крстовите може да бидат крајно злоупотребени. Co ножот можеме да сечеме леб, но можеме и човек да убиеме.
Исто така, ако земеме една дрвена икона и да удриме некого по глава co неа, зарем нема да го повредиме или можеби дури и да го убиеме?
Така што, во случајов co бајачите, се работи за злоупотреба на иконите и крстовите, co цел да се залажат што повеќе луѓе.
Потоа, се служат co кажување на настани од минатото или пак погодуваат идни настани, co демонска помош или пак преку своите соработници, како што објаснивме и погоре.
Зборуваат co демонски сили, кои самите тие ги сметаат за души на починати луѓе, или за светители и велат дека „светци ги мачат”, a голем дел од нив и глумат дека комуницираат co духови, за да ги излажат луѓето.
Го злоупотребуваат името на света Петка – Параскева и велат дека таа ги мачи и ги тера да се занимаваат co баење и гатање. Тие го поврзуваат името на света Петка co денот петок и мислат дека во петок се пости заради света Петка, а всушност постот во среда е заради предавството на Јуда кое се случило во среда, а постот во петок е заради распнувањето на Господ на Велики Петок.
Светителката Петка (Параскева) била родена на тој ден и според денот го добила своето име, а не денот од неа.
Постојат три светителки co истото име, кои живееле во различни периоди и на различни места, но бајачите од незнаење сметаат дека само една е света Петка.
За жал, под нивно влијание, света Петка е почитувана од бајачите и од нивните следбеници, дури повеќе и од Самиот Господ Исус Христос, Комушто таа My служела и Кој всушност нејзе и’ дал чудотворна моќ.
Речиси сите бајачи работат со некакви свети води, на кои им даваат имиња според деновите, „света Руса Среда” (таква светителка воопшто не постои), света Петка (заради петокот) и света Недела (заради неделата) и ги учат луѓето во соодветните денови да одат кај соодветните свети води за да се лечат.
Факт е дека многу води имаат навистина исцелителна мок, како што бил изворот Балаклија, кој бил пронајден на чудесен начин, по застапништвото на Пресвета Богородица.
Но, во случаите co бајачите се работи за чиста измама.
Многумина од нив истураат обична вода во од нив ископаните дупки и ги лажат луѓето дека се појавила света вода и ги советуваат да се мијат co таа вода за здравје, а ниту еднаш нема да ги подучат да почнат да се молат или да постат,
да се исповедаат, да се причестат, да простуваат,
да ги љубат ближните, да прават милосрдни дела итн.
Како најсилно средство за работа го користат стравот кај луѓето. Им се закануваат дека, доколку не го сторат она што го бара од нив бајачот, ќе ги снајде некоја голема несреќа.
И кутрите луѓе трчаат, прават неверојатни, измачувачки и крајно понижувачки работи, сето тоа од страв да не ги стаса клетвата од бајачот како казна за нивната непослушност.
Таквите и кога ќе дојдат во црква, свештеникот може и цел час да им зборува и пак тие да не го послушаат, бидејќи кај нив бајачот се наметнал како авторитет, a свештеникот или епископот, кој од Бога е поставен да богослужи, е некоја споредна фигура, која има помало значење од бајачот!!!
Но свештениците и епископите не го градат својот авторитет врз страв и закани, туку врз љубовта и слободата во Бога.
Што советуваат бајачите?
Секој што ќе отиде кај бајачите поради некоја мака, ќе слушне дека некој му направил магија. Нема таков човек кој отишол таму, а да не добил таков одговор.
Од тоа логично произлегува дека во светов живеат само маѓепсници и маѓепсани, луѓе кои прават и фрлаат магии и луѓе врз кои се фрлаат магии – нешто што не кореспондира co реалноста и здравиот разум.
Исто така, ниту еден од нив нема да ве советува христијански да им простите на оние кои ви нанеле некакво зло, туку ви велат да им се одмаздите на вашите „непријатели”.
Многу често предизвикуваат семејни, пријателски или соседски раздори, лажејќи ги наивните луѓе дека некој нивни роднина/ пријател или сосед им направил некаква магија и оние неписмените и наивните веднаш како слепи итаат дома за да се скараат co посочените личности, без да ги преиспитаат работите co здрав разум.
Најчесто бајачите спомнуваат (нагодуваат) почетни букви од лични имиња, па самиот човек да го пронајде можниот виновник, при што се прават страшни грешки. Последиците се огромни и трагични.
Никогаш нема да чуете од бајачите дека треба да постиме, да се молиме редовно, да се исповедаме кај свештеник, да се причестуваме, да читаме побожни книги издадени со благослов на нашата Света Црква, да правиме милосрдни дела, да ги почитуваме и слушаме своите епископи, свештеници и монаси, а не демонизираните бајачи и гатачи, кои дури и не советуваат да постиме, па дури и да не работиме во петок заради света Петка (!!!) и да се причестуваме, но без правилна подготовка, без правилен пост, молитви и покајничка исповед, туку на неблагословен, магиски начин.
И таквата причест нема да ни биде за спасение, туку за поголема осуда.
“ПРОТИВ БОГОБОРНОТО И ЦРКВОБОРНО БАЕЊЕ, ГАТАЊЕ, ЈАСНОВИДСТВО”
МПЦ – ОА
