Божествена Литургија во Марков Манастир на празникот Преображение на Господ Исус Христос (19.08.2019)
Денес на големиот православен празник посветен на Преображение на Господ Исус Христос, во храмот Свети Димитрија во Марков Манастир, се одржа Божествена Литургија во отслужение на јеромонах Атанасиј Арсоски.
Верниот народ, во празнична радост, се причести со Светите Христови Тајни!
Фотографирано на 19. 8. 2019г.
Тропар
- глас 7
- Се преобрази на гората, Христе Боже,
- покажувајќи им ја Твојата слава на Твоите ученици,
- колку што можеа,
- да ни засвети и нам, грешните,
- Твојата вечнопостојна Светлина
- по молитвите на Богородица,
- Дарителу на Светлина, слава Ти!
Кондак
- глас 7
- На гората се преобрази, Твојата слава, Христе
- Боже, ја видоа
- и колку што примаа Твоите ученици,
- за кога ќе Те видат распнат,
- да разберат дека страдањето е доброволно,
- а на светот да му проповедаат,
- дека Ти навистина си сјаење на Отецот.
Задостојник
- глас 4
- Величај го, душо моја,
- Господа кој на Тавор се преобрази.
- Рождеството Твое непропадливо се јави:
- Бог низ твојата утроба помина,
- како Плотоносец се јави на земјата, и со луѓето живееше.
- Тебе, Богородице, со Него сите Те величаме!
Икона на Преображение на Господ Исус Христос од 11 век
