Да се трудиме да го шириме наоколу нашето добро расположение
Да имаме љубов, кротост, мир. Така му помагаме на нашиот ближен кога е обземен од злото. Примерот тајно испраќа зраци, не само кога е другиот присутен, туку и кога е отсутен.
Да се трудиме да го шириме наоколу нашето добро расположение. Дури и кога зборуваме за животот на другиот, не одобрувајќи го, тој тоа го разбира, па така го отфрламе од себе. А ако сме милостиви и му простуваме, тогаш тоа влијае на него, иако не не’ гледа, исто како што и злото влијае на него.
Да не се гневиме на оние што хулат и на оние кои се антибожци, гонители итн. Разгневувањето прави зло.
Да ги мразиме нивните зборови и нивната злоба, но човекот што тоа го кажал да не го мразиме, ниту да се гневиме на него, туку да се молиме за него. Христијанинот има љубов и е учтив, па се однесува соодветно на тоа.
Како што некој подвижник, без никој да го гледа, е полезен за светот, бидејќи бранот од неговата молитва му влијае на другиот и Го пренесува Светиот Дух во светот, така и вие ширете ја вашата љубов, без да очекувате возвраќање.
Однесувајте се co љубов, трпение и насмевка…
Љубовта треба да е целосна, а само Божјата љубов е целосна и совршена. На онаа личност којашто не заморува и ни создава тешкотии треба да и’ ја принесуваме љубовта на благ, ненасилен начин, без другиот да забележи дека вложуваме труд да го возљубиме.
И да не се истакнуваме многу надворешно, зашто тогаш го тераме да се револтира. Молчењето спасува од сите зла. Воздржувањето на јазикот е големо нешто! Ha таинствен начин, молчењето му испраќа зраци на ближниот. Да ви раскажам една случка.
Една монахиња, којашто многу сакаше да има ред и поредок, разгневена му рекла на старецот:
– Монахињата Н. ни прави хаос во манастирот co нејзиниот карактер и co тешкотиите што ги предизвикува. He можеме да ja трпиме.
А старецот и’ одговорил:
– Ти си полоша од неа.
Монахињата прво изреагирала и се запрепастила, но пo објаснувањето од старецот сфатила и многу му заблагодарила. Старецот и’ рекол:
– Злиот дух владее co неа и таа се однесува лошо, но владее и co тебе, којашто наводно си во подобра состојба, па така тој си игра и co двете.
Сестрата доаѓа во таа состојба без да го сака тоа, но и ти го правиш истото co твојата реакција и co недостатокот на љубов.
Така нејзе не и’ помагаш, a себеси си штетиш.
Пренесено од книгата “Животот и словата на старец Порфириј Кавсокаливит
Подготви М. Даниловска
